لافاو وڵاتی چینیشی گرتەوە، لانیكەم 25 كەس بوونەتە قوربانی، سوپای وڵاتەكەش بۆ كەمكردنەوەی مەترسییەكانی لافاو ناچاربوون بەنداوێك بتەقێننەوە.
لافاوەكە ویلایەتی خنان-ی گرتووەتەوە، كە یەكێكە لە چڕترین ویلایەتەكانی چین لەڕووی دانیشتوانەوە، لەگەڵ چەند شارێكی دیكە.
درەنگانێكی شەوی ڕابردوو سوپای چین ناچاربووە لە شاری لویانگ لە ویلایەتی خنان بەنداوێك بتەقێنێتەوە، بۆ ئەوەی مەترسییەكانی لافاوەكە كەمبكاتەوە.
لە هەندێك شوێن، لافاو تا سەروو كەمەری هاوڵاتیان بەرزبووەتەوە، ئاو چووەتە ناو ماڵ و شوێنەكان و تەنانەت میترۆكانەوە، زیاتر لە 100 هەزار كەسیش رزگاركراون و لە مەترسییەكانی لافاوەكە دوورخراونەتەوە.
