مەرجەعی باڵای شیعەکانی عێراق لەبارەی پێکهێنانی حکومەتی داهاتوو و پێكهێنانی هاوپەیمانێتی، پەیامێكی بڵاوكردەوە و دەڵێت، “نابینە لایەن لە هیچ کۆبوونەوەیەکدا.”
لە ڕاگەیەندراوێكدا نووسینگەی عەلی سیستانی مەرجەعی باڵای شیعەکانی عێراق ئاماژەی بەوە كردووە، “نابینە لایەن لە هیچ کۆبوونەوە و پەیوەندی و ڕاوێژکردنێک، لەبارەی دروستکردنی هاوپەیمانییەکی سیاسی و پێکهێنانی حکومەتی داهاتووی عێراق”.
ئەو ده‌نگۆیانه‌شی ڕەتكردووەتەوە كە باس له‌وه ده‌كه‌ن عەلی سیستانی پشتیوانیی هاوپەیمانێتییەكی كردبێت.
دوای ڕاگەیاندنی ئەنجامە بەراییەكانی هەڵبژاردن، هەریەكە لە موقتەدا سەدر كە براوەی هەڵبژاردنەكەیە هەروەها نوری مالكی لەگەڵ لایەنە نزیكەكانی ئێران لەهەوڵی پێكهێنانی گەورەترین هاوپەیمانێتیی نێو پەرلەمانی عێراقن، بەڵام تائێستا بەفەرمی هیچ لایەكیان نەیانتوانیوە گەورەترین هاوپەیمانێتی ڕابگەیەنن.
