ئیدارەی یانەی تۆتنهامی ئینگلیزی، نۆنۆ سانتۆی پورتوگالی لە پۆستی ڕاهێنەرایەتی دوورخستەوە.
تۆتنهام سەرەتا بە ئاستێكی بەرزەوە دەركەوت و سێ یاری لەسەر یەك بردەوە، بەڵام دواتر ئەنجامەكانی بەرەو خراپی چوون و ئێستا لە 10 یاریی پێنج بردنەوە و پێنج شكستی تۆماركردووە و لەپلەی هەشتەمدایە.
ئیدارەی تۆتنهام پاش چوار مانگ لە ڕكابەرییەكانی خولی ئینگلتەرا، دواجار دەستبەرداری نۆنۆسانتۆی ڕاهێنەر بوو.
لە ڕاگەیەندراوێكدا سوپاسی ڕاهێنەرە پورتوگالییەكەیان كرد و هیوای سەركەوتنیشیان بۆخواست لەكاری داهاتوویدا.
فابریزۆ ڕۆمانۆ، شارەزا لە بواری گواستنەوەی یاریزانان دەڵێت: “ئەنتۆنیۆ كۆنتی بەهێزترین پاڵێوراوە بۆئەوەی جێگەی نۆنۆ گۆمێز بگرێتەوە”.
