ئەمڕۆ ڕكابەرییەكانی هەردوو خولی ئیسپانیا و ئیتاڵیا دەستپێدەكەنەوە و لە ئینگلتەرا و ئەڵمانیاش یارییەكانی جام بەڕێوەدەچن.
خولی ئیسپانیا پێی ناوەتە هەفتەی یانزەیەم و ئەمڕۆ ئیسپانیۆل بەرامبەر ئەتلەتیك بلباو یاریدەكات.
سبەی یانەی بەرشلۆنە كاتژمێر 08:00ی شەو دەبێتە میوانی ڕایۆڤاییكانۆ، كاتژمێر 10:30 خولەكیش ڕیاڵ مەدرید میوانداریی ئۆساسۆنا دەكات.
خولی ئیتاڵیاش پێیناوەتە هەفتەی دەیەمەوە و ئەمشەو كاتژمێر 9:45 خولەك یاریی لوتكە لەنێوان میلان و تۆرینۆ دەكرێت.
سبەی چوارشەممەش، یوڤانتۆس ڕووبەڕووی ساسولۆ دەبێتەوە و ئینتەریش بەرامبەر ئیمپۆلی یاریدەكات.
هەر ئەمڕۆ لەجامی ڕابیتەی ئینگلتەرا سێ یاری دەكرێن، بەهێزترینیان لە نێوان چێڵسی و ساوسهامپتن-دایە، كە كاتژمێر 9:45 خولەك بەڕێوەدەچێت.
لە جامی ئەڵمانیاش بوروسیا دۆرتمۆند كاتژمێر 09:00ی شەو میوانداریی ئەنگۆلشتات دەكات.
