سۆلشایەر، ڕاهێنەری مانچستەر یونایتد متمانەی كارگێڕیی یانەكەی بەدەستهێناوە و بەنیازیشە گۆڕانكاری لە پێكهاتەكەیدا بكات.
لە سێ یاریی ڕابردوودا مانچستەر یونایتد دووچاری دوو شكست و یەكسانبوونێك بووە و ئەوەش خستوویەتیە ژێر فشارێكی گەورەی ڕاگەیاندنەكان و هاندەرانی یانەكەوە.
سۆلشایەر بە ڕادیۆی بی بی سی ڕاگەیاندووە، ئەو بەدوای چارەسەری كێشەكانیەوەیەتی و متمانەشی بە تیپەكەی هەیە بگەڕێتەوە سەر ڕێگەی ڕاست.
بۆیە پێیوایە، “پێویستە لەپێناو دروستكردنی هاوسەنگیدا پلان و شێوازی یاریكردنی خۆمان بگۆڕین”.
بەپێی ڕاگەیاندنەكان، خێزانی گلایزەر متمانەیان بە سۆلشایەر هەیە و بەهیچ شێوەیەك بەنیازی دوورخستنەوەی نین.
