لە ئیسپانیا و فەرەنسا، هەڵمەتێك بۆ پشتگیریكردن لە كەریم بنزیمە دەستیپێكردووە تا تۆپی ئاڵتونی پێبدرێت.
لە ئێستادا دەنگدانی ڕۆژنامەنووسان بۆ دیاریكردنی براوەی تۆپی ئاڵتونی دەستیپێكردووە و كەسایەتییە گەورەكانیش دەیانەوێت كاریگەری لەسەر هەڵبژاردنی باشترین یاریزانی گۆڤاری فرانس فوتبۆڵ دروستبكەن.
زەینەدین زیدانی فەرەنسی پشتگیری بنزیمەی هاونیشتمانی دەكات و پێیوایە شایستەی بەدەستهێنانی تۆپی ئاڵتونە.
بەهەمان شێوە كارلۆ ئەنچلۆتی ڕاهێنەری ریاڵ مەدرید و فلۆرێنتینۆ پێرێز-ی سەرۆكیش پشتگیری ئەوە دەكەن خەڵاتەكە بدرێتە بنزیمە.
ڕۆبێرتۆ كارلۆس-ی بەرازیلیش پێیوایە كەریم بنزیمە شایستەی ئەوەیە خەڵاتی تۆپی ئاڵتونی پێبدرێت.
ئەمە جگە لەوەی هەریەك لە ڕۆژنامەكانی ماركا و ئەی ئێس-ی ئیسپانی پشتگیریی كەریم بنزیمە دەكەن تا براوە بێت.
