تەندروستیی هەرێم ئاماری نوێی كۆرۆنای بڵاوكردەوە و ڕایدەگەیەنێت، زیاتر لە سێ هەزار توشبووی نوێ تۆماركراوە و 24 توشبووش گیانیان لەدەستداوە.
وەزارەتی تەندروستیی هەرێم ئاماری 24 كاتژمێری ڕابردووی كۆرۆنای بڵاوكردەوە و دەڵێت، 17 هەزار و 13 پشكنینی نوێ ئەنجامدراوە و لەو ژمارەیە سێ هەزار و 172 توشبوو تۆماركراوە.
زۆرترین توشبوو لە پارێزگای دهۆكە بە هەزار و 422 حاڵەت دوای ئەویش (سلێمانی 825، هەولێر 785، گەرمیان 84 و هەڵەبجە 36) توشبوو تۆماركراون.
هەر لەو ماوەیەدا 749 توشبوو چاكبوونەتەوە و 24 توشبووش گیانیان لەدەستداوە.
كۆی گشتیی توشبووانی كۆرۆنا لە هەرێم گەیشتە 244 هەزار و 51 لەو ژمارەیە 202 هەزار و 729 توشبوویان چاكبوونەتەوە، 36 هەزار و 464 توشبوو لەژێر چارەسەردان و چوار هەزار و 858 توشبووش گیانیان لەدەستداوە.
