دۆخی ئەو كەشتییەی گوماندەكرا لەلایەن هێزێكی سەر بە ئێرانەوە ڕفێندرابێت، ئاسایی بووەوە.
پێشتر ئاژانسی هەواڵی ڕۆیتەرز لەزاری هێزەكانی ئاسایشی دەریایی ئیماراتەوە بڵاویكردەوە، هێزێك، كە گوماندەكرێت لەلایەن ئێرانەوە پشتگیری بكرێن، چوونەتە ناو كەشتیی نەوتگوێزەرەوەی “ئەسفەلت پرێنسیس” و بە بارمتەیان گرتووە، بەڵام هەر زوو ئێران ڕەتیكردەوە ئەو گروپە سەر بەوان بێت.
كەشتییەكەی گوماندەكرا لەلایەن ئەو گروپەوە ڕفێندرابن، بەریتانییە و لە نزیك كەناراوەكانی ئیمارات بووە.
بەیانیی ئەمڕۆ دەستەی بازرگانیی دەریایی بەریتانیا بڵاویكردەوە، ئەو گروپەی چووبوونە ناو كەشتییەكەوە، كەشتییەكەیان بەجێهێشتووە، لەئێستادا نەوتگوێزەرەوەكە پارێزراوە، بەڵام هیچ زانیاری و وردەكارییەكی دیكەی ئاشكرانەكردووە.
