بە تەنها ڕۆژێك بەر لە وادەی هەڵبژاردنەكانی سەرۆكایەتی ئەمریكا هەسارۆچكەیەك بە نزیكی زەویدا تێدەپەڕێت، وەك ئەوەی سەنتەری لێكۆڵینەوەی تەنە نزیكەكان لە زەوی سەر بە ئاژانسی ناسا باسیدەكات.
بەپێی بەیاننامەیەكی ناسا بۆ یەكەمجار هەسارۆچكەكە لە ناوەندی بالوماری سەر بە ناوچەی سان دییگۆ لە نۆڤەمبەر/ تشرینی دووەمی 2018 ناسێنراوە.
پێشبینی دەكرێت هەسارۆچكەكە، كە ناوی (2018VP1)ە، لە دووی نۆڤەمبەری داهاتوو واتە یەك ڕۆژ بەر لە هەڵبژاردنەكانی سەرۆكایەتی ئەمریكا لە ساڵی 2020 لێمان نزیك ببێتەوە.
بەپێی زانیارییەكان هەسارۆچكەكە لە بەرگە هەوای زەوی نزیك دەبێتەوە، بەڵام ئەگەری كاریگەری لەسەر زەوی دەگاتە 0.41%.
تیرەی هەسارۆچكەكە 0.002 كیلۆمەتر واتە نزیكەی 6.5 پێ-یە، بەپێی ناسا.
رونیشیكردوەتەوە، ژمارەی ئەگەری بەركەوتنی هەسارۆچكەكە رەنگە سێ بێت، لەگەڵ بوونی “هەلی تێپەڕبوون بە تەنیشتی زەویدا بەڕێژەی 99.59%”.
