هەردوو بەڕێوەبەرایەتیی گشتیی پۆلیس و هاتوچۆی سلێمانی بڕیاریان لەبارەی ئۆتۆمبێلە بێسەرەتاکان و چەکی بێمۆڵەتەوە دەرکرد، تەنها یەک هەفتە مۆڵەتیان پێدەدرێت و دوای ئەوە هەڵمەتی دەستبەسەرداگرتنیان دەستپێدەکات.
ئەمڕۆ یەکشەممە، لەسەر ڕاسپاردەی قوباد تاڵەبانی جێگری سەرۆکی حکومەت، هەردوو بەرێوەبەرایەتیی گشتیی پۆلیس و هاتوچۆی سلێمانی سەبارەت بە مامەڵەکردن لەگەڵ ئۆتۆمبێلی بێسەرەتا و هەروەها چەکی بێمۆڵەت، کۆبوونەوە و چەند بڕیارێکیان دەرکرد.
بەپێی بڕیاری کۆبوونەوەکە، ئۆتۆمبێلی بێسەرەتا، تابلۆ ساختە، چەکی بێمۆڵەت و ئەو چەکانەی مۆڵەتی كەسییان پێدراوە، ماتۆڕسکیل و ئۆتۆمبێلی جام ڕەش، یەک هەفتە مۆڵەتیان پێدەدرێت، پاش ئەو ماوەیە هەڵمەتی دەستبەسەرداگرتنیان دەستپێدەکات.
