راوێژكارێكی محەمەد شیاع سودانی زانیاریی نوێ لەبارەی مووچەی مانگی سێی مووچەخۆرانی هەرێمەوە ئاشكرادەكات و دەڵێت، تا ئەو كاتەی مووچە بە نیشتمانی دەكرێت ناردنی پارەی تەرخانكراو بۆ مووچەی مووچەخۆرانی هەرێم بەردەوامدەبێت”.
سبهان مەلا جیهاد راوێژكاری محەمەد شیاع سودانی سەرۆك وەزیرانی عێراق لە دیدارێكی تەلەفزیۆنیدا رایگەیاند، وەزیری دارایی عێراق فەرمانبەرێكی عێراقە و پابەندی بڕیارەكانی دادگای فیدراڵیی عێراق دەبێت بۆ ناردنی مووچەی مووچەخۆرانی هەرێمی كوردستان بەشێوەی كاش تا ئەو كاتەی پێدانی مووچە لە رێگای بانكەوە دەبێت.
راشیگەیاند، بەدەر لەوە وەزیری دارایی عێراق ناتوانێت مووچە بنێرێت و تەنها دەتوانێت سولفە بۆ هەرێمی كوردستان بنێرێت بۆیە دەبێت مووچەی مووچەخۆران لەرێگای بانكەوە بدرێـت.
