وەزارەتی تەندروستیی عێراق ئاماری فەرمیی قوربانییانی ڕووداوەكەی نەخۆشخانەی حوسێن لە زیقار بڵاودەكاتەوە، بەشێك لەوانەی گیانیان لەدەستداوە تا ئێستا نەناسراونەتەوە.
لە ڕاگەیەندراوێكدا وەزارەتی تەندروستیی عێراق ئاشكرایكردووە، دوای كۆتاییهاتنی ڕێكارەكانی بەرگریی شارستانی و پزیشكی دادوەری لە پارێزگای زیقار، ژمارەی قوربانییانی ئاگركەوتنەوەكە 60 گیانلەدەستدان بووە، كە 39 قوربانییان ناسراونەتەوە و 21 قوربانیش تا ئێستا نەناسراونەتەوە.
ئەو ژمارەیەی قوربانییان، كە وەزارەتی تەندروستیی عێراق بڵاویكردووەتەوە، كەمترە لەو ژمارەیەی پێشتر لەلایەن دامەزراوە جیاوازەكان و میدیاكانی عێراقەوە بڵاودەكرایەوە.
