هەرێم كەمال ئاغا سەرۆكی فراكسیۆنی یەكێتی لە ئەنجومەنی نوێنەرانی عێراق رایدەگەیەنێت، بڕیاری دادگای فیدراڵی لەبارەی درێژكردنەوەی تەمەنی پەرلەمانی كوردستانەوە رەتكردنەوەی نییە و دەشڵێت، “بەر لە بڕیارەكە پرس بە كۆمسیۆنی هەڵبژاردنەكانی عێراق كراوە”.
راشیگەیاند، دەبێت سەرجەم لایەنە سیاسییەكانی هەرێمی كوردستان بە بڕیارەكەی دادگای فیدراڵیی عێراق رازیبن.
ئاشكراشیكرد، كۆمسیۆنی هەڵبژاردنەكانی عێراق كاتی هەیە بۆ هەڵبژاردنی پەرلەمان كوردستان.
ئێوارەی ئەمڕۆ سێشەممە، دادگای فیدراڵیی عێراق هەڵوێستی خۆی لەبارەی درێژكردنەوەی تەمەنی پەرلەمانی كوردستان رایگەیاند و جەختیكردەوە بڕیاری درێژكردنەوەكە نایاساییە وپێچەوانەی دەستوورە.
