دوای ئەوەی پۆلیسی ناوچەی کەرەج لە تاران هاوڵاتییەکی کوردی خەڵکی کرماشانیان کوشت، برای کوژراوەکە دوای بینینی تەرمی براکەی بە جەڵتەی دڵ گیانی لە دەستدا.
بەپێی زانیارییەکان ئەو هاوڵاتییە کوردە ناوی “کۆرش حەیدەری” بووە و پۆلیس بێ ئاگادارکردنەوەی پێشوەختە تەقەی لێکردووە و گیانی لە دەستداوە.
ڕێکخراوەکانی مافی مرۆڤ ئاماژە بەوەدەکەن، پۆلیس بە تۆمەتی بوونی مادەی هۆشبەر هاوڵاتیە کوردەکەیان کوشتووە، بەڵام پێش تەقەلێکردنی هیچ ئاماژە و ئاگادارکردنەوەیەکیان پێنەداوە.
دوای هێنانەوەی تەرمی “کۆرش حەیدەری” برایەکی بەناوی “سام حەیدەری” جەڵتەی دڵ لێیداوە و دەستبەجێ گیانی لە دەستداوە.
کورۆش حەیدەری پێشتریش بەتۆمەتی گواستنەوەی مادەی هۆشبەر دەستبەسەرکرابوو و بۆ ماوەی حەوت ساڵ لە بەندیخانەی “دیزڵ ئاباد”ی کرماشان بەندکرابوو.
