کاتی کردنەوەی پێشانگای نێودەوڵەتیی سلێمانی بۆ کتێب دیاریکرا

ژووری بازرگانی و پیشەسازیی سلێمانی رایگەیاند، سەرجەم ئامادەکارییەکانی تایبەت بە کردنەوەی پێشانگای نێودەوڵەتیی سلێمانی بۆ کتێب تەواوبووە.

لە ڕاگەیەندراوێکدا ژووری بازرگانی و پیشەسازیی سلێمانی ئاشکرایکرد، چوارەمین پێشانگای نێودەوڵەتیی سلێمانی بۆ کتێب بە سەرپەرشتیی وەزارەتی ڕۆشنبیری و لاوان و بە هاوکاریی وەزارەتی ڕۆشنبیریی عێراق، هەروەها ژووری بازرگانیی سلێمانی و کۆمپانیای ئەتڵەس دەکرێتەوە.

سەبارەت بە کاتی پێشانگاکە ڕایگەیاندووە، لە ماوەی 11 بۆ 27ی تشرینی دووەمدا پێشانگای نێودەوڵەتیی کتێب لە تاسڵوجە دەکرێتەوە.

لە پێشانگای کتێبی ئەمساڵدا 200 ناوەندی بڵاوکردنەوەی کوردی، عەرەبی و جیهانی بەشداریدەکەن، نزیکەی یەک ملیۆن کتێب دەخرێنەڕوو.

بابەتی پێشتر

سەرۆك كۆمار دەچێتە جەزائیر

بابەتی دواتر

کوێستان محەمەد دوایین هەنگاوەکان لە پرۆژە یاسای کار دەخاتەڕوو

بابەتی پەیوەندیدار
Total
0
Share