بەڕێوەبەرانی یانەی پاریس سان جێرمانی فەرەنسی هەوڵەکانیان بۆ گواستنەوەی ئەشرەف حەکیمی بەرگریلاری یانەی ئینتەرمیلان چڕکردووەتەوە.
ڕۆژنامەی لاگازێتا دێلۆ سپۆرتی ئیتاڵی ئاشکرایکردووە، لە ئێستادا بەڕێوەبەرانی پاریس سان جێرمانی فەرەنسی لەگەڵ لێپرسراوی کارەکانی ئەشرەف حەکیمی، بەرگریکاری یانەی ئینتەر میلان دەستیان بە دانوستاندن کردووە.
بەپێی سەرچاوەکە، سەرۆکایەتیی ئینتەر داوای بڕی 70 ملیۆن یورۆ بەرامبەر گواستنەوەی بەرگریکارە مەغریبییەکە دەکات، بەڵام پاریسییەکان بڕی 60 ملیۆنیان پیشکەشکردووە و نزیکە جەمسەرەکان بە ڕێککەوتنێک بگەن.
لەم وەرزەدا نێراتزۆری بەهۆی قەیرانی داراییەوە ناچاردەبێت دەستبەرداری هەندێک لە یاریزانەکانی ببێت بۆ کۆکردنەوەی 100 ملیۆن یورۆ و زیاتر، بەم هۆیەوە ئەنتۆنیۆ کۆنتی ڕاهێنەر بۆندەکەی هەڵوەشاندەوە، چونکە بەرپرسانی یانە لەڕووی داراییەوە توانای ئەوەیان نەما بەردەوامی بەو پڕۆژەیە بدەن، کە چەند وەرزێکە بەسەرپەرشتی کۆنتی دەستیان پێکردووە.
