لەماوەی 24 كاتژمێری ڕابردوودا نزیكەی 200 توشبووی نوێی كۆرۆنا لە هەرێم تۆماركراون و زیاتر لە هەزار و 100 توشبووش چاكبوونەتەوە.
وەزارەتی تەندروستیی هەرێم ئەمڕۆ شەممە ئاماری نوێی كۆرۆنای بڵاوكردەوە و ڕایگەیاند، لەماوەی 24 كاتژمێری ڕابردوو پێنج هەزار و 553 پشكنین ئەنجامدراون و لەو ژمارەیە 198 توشبووی نوێ تۆماركراون.
هەر لەو ماوەیەدا هەزار و 104 توشبوو چاكبوونەتەوە و پێنج توشبووش گیانیان لەدەستداوە، كە زۆرترین حاڵەت لە هەولێر بووە بە سێ گیانلەدەستدان.
بەپێی ئامارەكەی وەزارەتی تەندروستی، كۆی گشتیی توشبووانی كۆرۆنا گەیشتووەتە 168 هەزار و 862 توشبوو، لەو ژمارەیە 155 هەزار و 69 توشبوو چاكبوونەتەوە و چوار هەزار و 266 توشبووش گیانیان لەدەستداوە.
