سەرۆکی فیدراسیۆنی تۆپی پێی ئەوروپا، ئەلیکساندەر چیفرین هەڕەشەی توند لە یانە بەشدارەکانی سوپەرلیگی ئەوروپی دەکات و بەڵێنی سزادانیان دەدات.
دوای ڕاگەیاندنی خولی سوپەری ئەوروپی لەلایەن 12 یانەی گەورەی ئەوروپاوە، ئەلیکساندەر چیفرینی سەرۆکی “یوێفا” بۆ میدیاکاران دەدەوێت و دەڵێت، ” سەرکەوتن بۆ خولە ئەوروپییەکان دەبێت لەسەر بنەمای ئاست و شایستەبوون بێت، کە ئەوەش بە ڕکابەریکردنی یەکدی ڕوودەدات، بۆیە هیچم نییە تەنها ڕەتکردنەوەی خولی سوپەری ئەوروپی نەبێت”.
چیفرین بەئاشکرا هەڕەشە لە یاریزانە بەشدارەکانی خولی سوپەری ئەوروپی دەکات و بەڵێنی دوورخستنەوەیان دەدات لە هەڵبژاردە نیشتیمانییەکان، لەم بارەیەوە دەڵێت، ” هێشتا بڕیاری یەکلاکەرەوەمان نەداوە، ڕاگەیاندنەکەی ئەوانیش هێندەی بەسەردا نەڕۆشتووە و هەینی داهاتوو بڕیاردەدەین”.
سەرۆکی “یوێفا” بە ڕوونی ناوی ئەو کەسایەتیانە دەبات کە لەپشت پڕۆسەکەوەبوون و دەڵێت، ” ئێمە چامپیۆنزلیگ باشتردەکەین و لەسەدا نەوەدی داهات لە خودی یانەکان خۆیاندا بەکاردەخەینەوە، کەسایەتیەکانی وەک ئەندریا ئانێلی و پیدرۆ لۆپێز لە کۆتا کۆبوونەوەکان ئامادەبوون کاتێک بڕیارمان لە گۆڕانکارییەکاندا، بەڵێنیشماندا خولی یانە پاڵەوانەکان ناوازەتربکەین، بەڵام دڵنیام پڕۆسەی گەرمکردنی دۆخەکە و دامەزراندنی خولێکی دەرەکی داخراو چاوبرسێتییە، دەشزانین بیرۆکەکان لەپشت سەری کەسانی وەک فلۆرنتینۆ پێرێز و ئەندریا ئانێلیدا بوون، یانەکانی فەرەنسا و ئەڵمانیا نابنە بەشدار لە پڕۆسەیەکی شکستخواردووی گەندەڵکارانە”.
