نوێنەرانی یانەی بەرشلۆنە چاودێرییان خستووەتەسەر ڕافا میر هێرشبەری یانەی هوێسکا، کە لەم وەرزەدا بە درێسی یانە ئیسپانیەکەیەوە ئاستێکی بەرزی پێشکەشکردووە.
ڕافا میر کە یاریزانی یانەی وڵڤەرهامپتنە و بەشێوەی خواستن بۆ یانەی هوێسکا یاریدەکات، لەم وەرزەدا 31 یاریکردووە و 15 گۆڵی تۆمارکردووە.
ڕۆژنامەی مارکای ئیسپانی ئاشکرایکردووە، ئیدارەی یانەی بەرشلۆنە چاودێرانی یانەیان ئاڕاستەی یانەی هوێسکا کردووە و بەگرنگییەوە لە توانا هونەرییەکانی ڕافا دەڕوانن، لەهەمان کاتدا یانەکانی ئەتلەتیکۆ مەدرید و ئیشبیلیە خواستیان لەسەر گواستنەوەی یاریزانەکە نیشانداوە.
میر دەرچووی ئەکادیمیای یانەی ڤالێنسیایە و ساڵی 2018 پەیوەندی بە وڵڤەرهامبتۆنەوە کردووە، لەو یانەیەشەوە بە خواستن ئاڕاستەی یانەکانی نۆتنگهام فۆرێست و لاس پاڵماس و لە کۆتاییدا هوێسکا کراوە.
هێرشبەرە ئیسپانیەکە بەرزی باڵای (191سم) و هاوینی 2022 بۆندەکەی لەگەڵ “وڵڤی” کۆتاییدێت و نرخی گواستنەوەی بە شەش ملیۆن یورۆ خەمڵێنراوە.
