ئەمشەو، شەممە یانەی مانچستەر یونایتد یاری هەفتەی 30ی پریمەرلیگی بەرانبەر برایتۆن ئالبیۆن ئەنجامدا و بردنەوەیەکی گرنگی تۆمارکرد.
یونایتدی سۆڵشایەر لە یاریگای ئۆڵدترافۆرد میوانداری برایتۆنی کرد و یاری نێوانیان بە ئەنجامی دوو گۆڵ بەرانبەر گۆڵێک لەبەرژەوەندی سوورپۆشەکان کۆتاییهات.
گۆڵەکانی ڕێد دێڤڵز لە خولەکەکانی 62 و 83 لەلایەن مارکۆس ڕاشفۆرد و ماسۆن گرینوود، تاکە گۆڵەکەی برایتۆنیش لە خولەکی 13 لەلایەن دانی ویڵبێکەوە تۆمارکران.
بەپێی ئەنجامە تۆمارکراوەکە، یانەی مانچستەر یونایتد لە کۆی 30 ڕوبەڕوبوونەوەی ئەم وەرزە (2020/2021) ژمارەی خاڵەکانی گەیاندە 60 و لە پلەی دووەمی ڕیزبەندی یانەکانی پریمەرلیگ جێگیربوو، لە بەرانبەردا برایتۆن ژمارەی خاڵەکانی لە 32 خاڵدا وەستایەوە و لە پلەی 16ی ڕیزبەندیدا جێگیربوو.
