هاوپەیمانیی نێودەوڵەتی بۆ شەڕی داعش، ژمارەیەك ئۆتۆمبێل و كەلوپەلی سەربازی بەخشییە سوپای عێراق.
لیوا تەحسین خەفاجی، وتەبێژی فەرماندەی ئۆپراسیۆنە هاوبەشەكانی عێراق ئاشكرایكردووە، ئۆتۆمبێل و كەلوپەلی سەربازیی نوێیان لە هاوپەیمانی نێودەوڵەتی وەرگرتووە.
ئەوەشی ئاشكرایكردووە، “ئەو كەلوپەلانەی لەلایەن هاوپەیمانیی نێودەوڵەتی بۆ شەڕی داعش دراوە بە سوپای عێراق، ئۆتۆمبێل و چەك و كەلوپەلی سەربازین و بەهاكەیان 5 ملیۆن دۆلارە”.
وتەبێژی ئۆپراسیۆنە هاوبەشەكان ئەوەشی وتووە، “ئەو هاوكارییە لەپێناو یارمەتیدانی عێراقە لە شەڕی دژ بە داعش، هەروەها بوونیادنانی دامەزراوەی سەربازی بە كەلوپەلی پێشكەوتوو”.
