کەشناسیی هەرێمی كوردستان ڕایدەگەیەنێت، “ئەمشەو كەشوهەوای هەرێمی كوردستان بەگوێرەی ناوچەكان جیاواز دەبێت و بەفر و باران و تەمومژ دەبێت و پلەكانی گەرما زیاتر دادەبەزن.”
بەڕێوبەرایەتیی گشتیی کەشناسی و بومەلەرزەزانیی هەرێمی کوردستان، دۆخی كەشوهەوای ئەمشەو پێنجشەممە لەسەر هەینی بڵاوكردەوە.
بەگوێرەی ڕاگەیەندراوی بەڕێوبەرایەتییەكە، ئەمشەو ئاسمانى ناوەڕاستى هەرێم پەڵەهەور بۆ نیمچەهەور دەبێت و ئاسمانى ڕۆژهەڵات و ناوچە شاخاوییەکان هەورى تەواو دەبێت، لەگەڵ بارینى بەفر و کەمێک باران دا.
بەڕێوبەرایەتیی گشتیی کەشناسی و بومەلەرزەزانیی هەرێمی کوردستان دەڵێت، “ئەمشەو پلەکانى گەرما زیاتر دادەبەزن بە بەراورد لە گەڵ ڕۆژی ئەمڕۆدا.”
ئاشكراشیكردووە كە لە هەندێك ناوچەی هەرێمی كوردستان تەمومژ دروست دەبێت، بەتایبەت لە پارێزگای دهۆک و ناوچەکانی دەوروبەرى.
