وەزیری دارایی هەرێم ڕایدەگەیەنێت، لە ساڵی 2013ـوە، بەغداد یەک دیناری لە بودجەی وەبەرهێنان بۆ هەرێمی کوردستان نەناردووە.
ئاوات شێخ جەناب، وەزیری دارایی و ئابووریی حکومەتی هەرێمی کوردستان لەو بارەیەوە ڕایگەیاند، ئەوە سەرەڕای ئەوەی هەرێمی کوردستان سەرجەم داواکارییەکانی وەزارەتی دارایی فیدراڵی جێبەجێکردووە، لەوانە لیستی مووچە و ڕاپۆرتی تەرازووی پێداچوونەوە و بایۆمەتری و بابەتی کردنەوەی هەژماری بانکی بۆ فەرمانبەران و مووچەخۆران، کە سەرجەمیان جێبەجێکراون.
