سوپای ئەمریکا ڕایدەگەیەنێت، بەردەوامن لە فشار و گەمارۆ سەربازییەکان بۆ سەر ئـ.ـێران و شەوی ڕابردوو چەندین ئامانجیان لەو وڵاتە بۆردومانکردووە.
فەرماندەیی ناوەندی ئەمریکا (سێنتکۆم)، پاش کۆتاییهاتنی شەپۆلی حەوتەمی هێرشە سەربازییەکان بۆ سەر ئێـ.ـران ڕاپۆرتێکی بڵاوکردەوە و تیایدا هاتووە، بۆ حەوتەمین شەوی لەسەریەکە ئۆپراسیۆنەکان دژی پێگە سەربازییەكانی ئـ.ـێران ئەنجامدەدرێن، بەردەوامین لە فشارە سەربازییەکان و گەمارۆی دەریایی بۆ سەر ئێـ.ـران.
ئەوەشی خستووەتەڕوو، لە هێرشەكاندا بنکەكانی چاودێری، ژێرخانی سەربازی، کۆگاکانی چـ.ـەکی ژێرزەمین و توانا دەریاییەکانی ئـ.ـێران بە ئامانج گیراون.
ئاماژەی بەوەشکردووە، هێزەکانی ئەمریکا لە هێرشەکاندا فڕۆکەی جەنگی، فڕۆکەی بێفڕۆکەوان، کەشتیی جەنگی و چەندین کەرەستەی دیکەی سەربازیی بەکارهێناوە.
