هەنگەوانێک ڕایگەیاند، سێ ساڵی ڕابردوو 95%ی هەنگەوانان لە زەرەردا بوون و ئەمساڵ ساڵێکی زۆرباشە.
عوسمان مەجید، هەنگەوان، بە تۆڕی میدیایی ئێستای ڕاگەیاند، سێ ساڵی ڕابردوو 95%ی هەنگەوانانی کوردستان لە زەرەردا بوون، چونکە وشکەساڵی بوو، هەنگوین نەدەهات و هەنگیش بەرەو فەوتان دەچوو.
ئاماژەی بەوەشکرد، ئەمساڵ یەکێکە لە ساڵە زۆرباشەکان بۆ هەنگوین و هەنگەوانان زۆر دڵخۆشن، هیوادارم لایەنە پەیوەندیدارەکان هاوکارمان بن و ڕێگری لە هاوردەکردنی هەنگوینی دەرەوە بکەن.
