وەزارەتی خوێندنی باڵا و توێژینەوەی زانستیی حکومەتی هەرێمی کوردستان ڕایگەیاند، لەمڕۆوە (15ـی تەمموزی 2026)، پرۆسەی دابەزینی خوێندکاران و گواستنەوەیان لەنێوان زانکۆکان بەشێوەی ئەلیکترۆنی دەستیپێکرد.
لە ڕاگەیەندراوێكی وەزارەتەکەدا هاتووە، ئەو خوێندکارانەى دەیانەوێت پرۆسەى گواستنەوە و دابەزاندن ئەنجامبدەن، پێویستە دەقى ڕێنماییەکان بە وردى بخوێننەوە، هەروەها دەتوانن پرسیارەکانیان ئاراستەى تۆمارى هەریەک لە زانکۆکان بکات و وەڵامدەدرێتەوە.
وەزارەتی خوێندنی باڵا چەند تێبینییەکی تایبەت بە پڕۆسەکە بۆ خوێندکاران خستووەتەڕوو:
– ئەگەر خوێندکار (یوزەرنەیم و پاسۆردى) نەبوو یاخود لەبیریکردبوو بۆ چوونەناو سیستمى گواستنەوە و دابەزین، دەتوانێت بە ژمارەى تاقیکردنەوەى پۆلى دوازدەى ئامادەیی لە تۆمارى زانکۆکەى پڕۆسەکە ئەنجامبدات.
– بۆ ئەنجامدانى پڕۆسەى گواستنەوە و دابەزین پێویست ناکات هیچ خوێندکارێک سەردانى وەزارەت بکات، چونکە پرۆسەکە بە ئەلیکترۆنى ئەنجامدەدرێت.
– پێویستە لەو ماوەیەی دیارىکراوە خوێندکاران مامەڵەکانیان تەواوبکەن، چونکە لە دەرەوەى ئەم ماوەیە مامەڵەکەى جێبەجێناکرێت.
بۆ ئەنجامدانى پرۆسەى گواستنەوە و دابەزین کلیک لەم بەستەرەیە بکە:
بۆ خوێندنەوەى ڕێنمایی و مەرج و پێوەرەکانى گواستنەوە و دابەزین کلیک لەم بەستەرەیە بکە:
