وتەبێژی شارەوانیی سلێمانی ڕایدەگەیەنێت، لەمەودوا بە توندی تا درەنگانی شەو چاودێریی زیادەڕەویی شۆستە و شەقامەکان دەکەین.
ئەنجومەن حسێن، وتەبێژی شارەوانیی سلێمانی لە لێدوانێکدا بە تۆڕی میدیایی ئێستای ڕاگەیاند، بە گشتیی دەوامی ڕۆژانەی بەشی زیادەڕەوی، کاتژمێر هەشتی بەیانی بۆ دووی پاشنیوەڕۆیە، بەڵام دەمانەوێت لەمەودوا چاودێریی لیژنەکانی قائیمقامیەت و شارەوانی بەسەر شەقام و شۆستەکاندا زیاتر بکەین.
وتیشی، لەمەودوا تاوەکو درەنگانی شەو چاودێریی بازاڕ، شەقام و شۆستەکان دەکەین، بە توندی ڕێگری لە هەر زیادەڕەوییەک دەکەین کە ببێتە هۆی ناشرینکردنی سیمای شارەکەمان.
