وەزارەتی پەروەردەی حکومەتی هەرێمی کوردستان، شوێن و هۆڵی تاقیکردنەوەی خوێندکارانی پۆلی 12ـی ئامادەیی بەگوێرەی پارێزگاکان و ئیدارە سەربەخۆکان بڵاوکردەوە.
وەزارەتەکە لە ڕاگەیەندراوێکدا بڵاویکردەوە، پێویستە خوێندکاران ڕۆژێک پێش ئەنجامدانى یەکەم تاقیکردنەوە کە کاتژمێر 7:30 خولەکی بەیانیی ڕۆژی (14ی 6ی 2026) ئەنجامدەدرێت، سەردانی خوێندنگەکانی خۆیان بکەن بۆ دڵنیابوونەوە لە شوێنی هۆڵی تاقیکردنەوەکانی خولی یەکەم.
هەروەها ئاماژەی بەوەشدا، لەکاتی بوونی هەڵە لە زانیاریی خوێندکار، پێویستە بە زووترین کات پەروەردەکەی خۆی ئاگاداربکاتەوە بەمەبەستی ڕاستکردنەوەی هەڵەکە.
