ئێوارەی ئەمڕۆ بافڵ جەلال تاڵەبانی، سەرۆکی یەکێتیی نیشتمانیی کوردستان بە سەردانێک گەیشتە بەغداد و بڕیارە چەندین کۆبوونەوەی گرنگ لەگەڵ لایەنە سیاسییەکان ئەنجام بدات.
بەگوێرەی زانیارییەکان، سەردانەکەی سەرۆکی یەکێتیی بەمەبەستی خێراترکردنی پرۆسەی پێکهێنانی حکومەتی نوێی عێراقە.
بەشێک لە لایەنە سیاسییەکان کاندیدەکانیان بۆ پۆستی وەزارەتەکان پێشکەشی عەلی زەیدی، سەرۆکوەزیرانی ڕاسپێردراو کردووە و بڕیارە لە ماوەی کەمتر لە هەفتەیەکدا یەکلاییبکرێنەوە.
بافڵ جەلال تاڵەبانی زنجیرەیەک کۆبوونەوە لەگەڵ لایەنە سیاسییەکان ئەنجام دەدات بەمەبەستی بەدەستهێنانی بەرکەوتەی هەڵبژاردن و جێگیرکردنی مافە دەستوورییەکانی کورد لە بەغداد.
