دەستەی فڕۆکەوانیی مەدەنیی عێراق ڕایگەیاند، ماوەی ڕاگرتنی گەشتە ئاسمانییەکانی وڵاتەکەی بۆ ماوەی 72 کاتژمێری دیکە درێژکردەوە.
دەستەکە لە بەیاننامەیەکدا ڕایگەیاند، ئاسمانی عێراق بەڕووی هەموو گەشتەکانی هاتن و چوو و ترانزێت لە کاتژمێر 12:00ـی نیوەڕۆی ڕۆژی شەممە (7ـی ئازار) تاوەکو ڕۆژی سێشەممە 10ـی ئازار بۆ ماوەی 72 کاتژمێر ڕادەگیرێن.
ئاماژەی بەوەشداوە، ئامانج لەو بڕیارە، بەمەبەستی گرتنەبەری رێکاری پێویستی خۆپارێزییە لە چوارچێوەی پەرەسەندنی گرژی و ئاڵۆزییەکانی ناوچەکە.
