وەزارەتی نەوتی عێراق بڕی نەوتی فرۆشراو و داهاتەكەی بۆ مانگی شوباتی ئەمساڵ بڵاوكردەوە كە داهاتەكەی زیاترە لە 7 ملیار دۆلار.
بەپێی راگەیەندراوێكی وەزارەتی نەوتی عێراق تێیدا هاتووە، بەپێی دوایین داتاكان كە لە كۆمپانیای بە بازاڕكردنی نەوتی عێراق(سۆمۆ) بڵاوكراوەتەوە كە مانگی رابردوو بڕی 92 ملیۆن و 255 هەزار و 610 بەرمیل نەوت هەناردەكراوە.
ئاماژە بۆ ئەوەش كراوە، داهاتەكەی 7 ملیار و 62 ملیۆن و 704 هەزار دۆلار بوو و یەك بەرمیل نەوت بە 76 دۆلار و 50 سەنت خەمڵێندراوە.
