پارێزگاری کەرکوک، رایگەیاند، سەرجەم هەوڵەکان بۆ دابینکردنی کارەبا و سووتەمەنی دەخەینەگەڕ.
نووسینگەی راگەیاندنی پارێزگاری کەرکوک بڵاویکردەوە، رێبوار تەها، پارێزگاری کەرکوک لەگەڵ فەرماندەی پۆلیسی کەرکوک و بەڕێوەبەری کۆمپانیای دابەشکردنی بەرهەمە نەوتییەکان و بەڕێوەبەری دابەشکردنی کارەبا، میکانیزم و هەوڵەکانی دابینکردنی کارەبا و سووتەمەنییان لە سەرانسەری پارێزگاکەدا لەژێر رۆشنایی گۆڕانکارییەکاندا تاوتوێ کرد.
دەشڵێت، پارێزگار رایسپاردن بە خستنەگەڕی سەرجەم هەوڵەکان و بەدواداچوونی بەردەوام بۆ پرۆسەی دابینکردنی کارەبا لەگەڵ دابینکردنی سووتەمەنی و پڕکردنەوەی پێداویستییەکانی هاوڵاتییان و بەهێزکردنی هەماهەنگی و هاوکاری لەگەڵیاندا.
