بەڕێوەبەرایەتیی ئاسایشی هەولێر دەستگیركردنی باندێكی ساختەكاریی لە هەولێر راگەیاند.
بەپێی راگەیەندراوێكی بەڕێوەبەرایەتیی ئاسایشی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای ئەنجامدانی چاودێری و بەدواداچوون توانیمان زانیاری بەردەستبخەین لەسەرباندێكی ساختەكاریی لە شاری هەولێر،دوای دەستنیشانكردنی ناسنامە و شوێنی كاركردنیان، بەبڕیاری دادوەری لێكۆڵینەوەی ئاسایشی هەولێر توانیمان پێنج تۆمەتبار دەستگیربكەین كە بە سەدان بەڵگەنامەی جۆراو جۆریان ساختەكردووە.
لە راگەیەندراوەكەدا هاتووە، ئەو تۆمەتبارانە ناسنامەی كەسی و پشتگیری كۆمپانیا، ڕەگەزنامەی عێراقی و مۆڵەتی كۆمپانیا،بریكارنامەی و لەچەندی بواری تردا كاری ساختەی تێدا كراوە.
جێگەی ئاماژەیە لەكاتی دەستگیركردنی ئەم باندە ساختەكارییەدا توانرا دەستبگیرێت بەسەر دەیان مۆری دروستكراوی ساختە و فۆڕمی بەتاڵ و چەندین بەڵگەنامەی ساختە كەئامادەیان كردبوو و ڕێكاری یاسای بەرامبەریان گیراوەتەبەر.
