ئەندامێكی ئەنجومەنی نوێنەرانی عێراق ڕایدەگەیەنێت، ئەنجومەنی وەزیران ڕەزامەندی دەربڕیووە لەسەر دامەزراندنی دەرچووی بەشە پزیشکی و تەندروستییەکان.
سۆران عومەر، ئەندامی ئەنجومەنی نوێنەرانی عێراق لە هەژماری تایبەتی خۆی لە تۆڕی كۆمەڵایەتیی فەیسبووك نووسیویەتی، “کارمان لەسەر دامەزراندنی دەرچوویەکی زۆری پزیشکی و تەندروستی کرد بۆ دامەزراندنیان، هەوڵەکان بۆ دامەزراندنی دەرچوانی بەشە پزیشکی و تەندروستییەکان گەشتە ئەنجام”.
ئاشكراشیكردووە، سەرۆک وەزیرانی عێراق لەکۆبوونەوەی ئەنجومەنی وەزیران بڕیاریدا بە دامەزراندنی دەرچووانی بەشە پزیشکی و تەندروستیەکان.
بە وتەی ئەو پەرلەمانتارە، جگە لەوە، “هەوڵیشمان داوە بۆ دامەزراندنی ئەو دەرچووە کوردانەی ناوچەناکۆکی لەسەرەکان کە لەزانکۆ و پەیمانگاکانی هەرێمی کوردستان خوێندوویانەو دەرچووی بەشەکانی پزیشکی و تەندروستییەكانن”.
