وەزارەتی نەوتی عێراق، ئاماری کۆتایی بۆ هەناردە و داهاتی نەوتی بۆ مانگی یەکی ساڵی 2026 بڵاوکردەوە.
وەزارەتی نەوتی عێراق رایگەیاند، قەبارەی هەناردەکردنی نەوتی خاو، گەیشتووەتە 107 ملیۆن و 616 هەزار و 220 بەرمیل و داهاتەکەی شەش ملیار و 485 ملیۆن و 294 هەزار دۆلاری تێپەڕاندووە.
ئاماژە بەوەشدەکات، کۆی قەبارەی هەناردەکراوی نەوتی خاو لە کێڵگە نەوتییەکانی ناوەڕاست و باشووری عێراق، لە ماوەی مانگی یەکدا 101 ملیۆن و 160 هەزار و 349 بەرمیل بووە؛ لەکاتێکدا قەبارەی هەناردەکراو لە هەرێمی کوردستانەوە لە رێگەی بەندەری جەیهانی تورکیاوە، شەش ملیۆن و 455 هەزار و 871 بەرمیل بووە.
