سەرۆککۆماری ئێران رایدەگەیەنێت، دانوستانەکانی نێوان ئێران و ئەمریکا ئاماژەی دڵخۆشکەریان تێدابووە.
مەسعود پزیشکیان، سەرۆککۆماری ئێران لە هەژماری خۆی لە تۆڕی X نووسیویەتی، دانوستانەکانتی چەند رۆژی رابردووی نێوان ئێران و ئەمریکا ئاماژەی دڵخۆشکەریان تێدابووە، ئێران پابەندە بە ئاشتی و سەقامگیری لە ناوچەکە، لە دانوستانەکاندا پێشنیاری جۆراوجۆر بەرباس خراون و ئەمەش ئاماژەیەکی باشە.
وتیشی، وڵاتەکەی بەردەوامە لە چاودێریکردنی جموجوڵەکانی ئەمریکا لە ناوچەکەدا، هەروەها هەموو رێکارە پێویستەکانیان گرتووەتەبەر و بۆ هەموو جۆرە سیناریۆیەک لە ئامادەباشیدان.
