سەرەڕای ئەوەی وەزیری ناوخۆی سوریا كۆنتڕۆڵكردنی بارودۆخی رۆژانی رابردووی سوریا-یان راگەیاند، بەڵام پێكدادانی نێوان هێزەكانی ئەحمەد شەرع و عەلەوییەكان گەیشتە پایتەختی ئەو وڵاتە.
سەرچاوەكانی هەواڵ لە سوریا بڵاویانكردەوە، ئەمڕۆ دووشەممە پێكدادان لەنێوان هێزەكانی ئەحمەد شەرع و عەلەوییەكان گەیشتووەتە گەڕەكی مییزەی دیمەشق.
ئاماژەیان بەوەشكردووە، پێكدادانەكە لە خاڵێكی پشكنین بووە و چەكدارانی هەردوولا كوژرا و برینداریان هەبووە و دوو لە چەكدارە عەلەوییەكان دەستبەسەركران و بەشێكی دیكەشیان بەرەو رۆژئاوا كشاونەتەوە.
روونیشیانكردووەتەوە، ئەمە یەكەمەین هێرش و پێكدادانە كە لە پاش رووخانی رژێمی ئەسەدەوە هاوشێوەی نەبووە و هێزەكانی سەر بە ئەحمەد شەرع هێزی زیاتریشیان رەوانەی لازقییە كردووە.
