ڕۆژنامەی “تایمز”ی بەریتانی ئەمڕۆ پێجشەممە 5ی ئاب راپۆرتێکی لەبارەی کەشتیی “ئەسفەلت پرنسس”ەوە بڵاوکردووەتەوە و زانیاریی نوێی ئاشکراکردووە.
دوو ڕۆژ لەمەوپێش کەشتییەکی بەریتانی کە ئاڵای پەنەمای لەسەر هەڵکرابوو، لە کەناراوەکانی فوجەیرەی ئیمارات و نزیک لە گەرووی هورمز، لەلایەن تیمێکەوە هێرشی کرایەسەر و هەوڵی کۆنترۆڵکردنی درا. بەریتانیا، ئێرانی-ی بەو کارە تۆمەتبارکرد، بەڵام تاران ڕەتیکردەوە.
ڕاپۆرتەکەی ڕۆژنامەی تایمز لە زاری “سەرچاوەیەکی ئاگادار”ەوە بڵاویکردووەتەوە، تیمێکی هێزی کۆماندۆی ئێران هێرشیانکردووەتە سەر کەشتییەکە و پلانەکەیان ئەوە بووە کەشتییەکە ببەن بۆ ئێران، بەڵام جووڵەیەکی تیمی کەشتییەکە پلانەکەی هەڵوەشاندووەتەوە.
ڕۆژنامەکە دەڵێت، “تیمەکە بزوێنەری کەشتییەکەیان تێکداوە و لەکاریان خستووە، بۆیە هێرشبەرەکان نەیانتوانیوە کەشتییەکە بڕفێنن”.
