بەڕێوەبەرایەتیی هاتوچۆی گەرمیان رایدەگەیەنێت، بەهۆی پێکدادانی ئۆتۆمبێلێک و ماتۆڕسکیلێک لەسەر پردی نێوان گردەگۆزینە بۆ ساڵح ئاغا، دوو کەس برینداربوون و رەوانەی نەخۆشخانە کران.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، ئێوارەی ئەمڕۆ چوارشەممە، ئۆتۆمبێلێکی جۆری جێب واز و ماتۆڕسکیلێکی دووتایە لەسەر پردی نێوان گردەگۆزینە و ساڵح ئاغا پێکیاندادا، بە ئاراستەی ساڵح ئاغا رۆیشتوون، ئۆتۆمبێلەکە و ماتۆڕسکیلەکە لە پردەکەوە کەوتوونەتەخوارەوە، لێخوڕی ماتۆڕسکیلەکە و شۆفێری جێب وازەکە برینداربوون و رەوانەی نەخۆشخانەی فریاکەوتنی شەهید هەژار کران.
ئاماژەی بەوەشکرد، هەردوو بریندارەکە لەدایکبووی ساڵی 2006 و 2009ـن، لێکۆڵینەوە لە شێواز و هۆکاری رووداوەکە لەلایەن تیمی هاتوچۆوە دەستیپێکردووە.
