شارەزایەکی بواری کەشناسی رایدەگەیەنێت، ئەمشەو لە زۆرێک لە ناوچە جیاجیاکانی هەرێمی کوردستان، دیاردەی تەمومژ دروستدەبێت.
هەڤاڵ سدیق، شارەزای بواری کەشناسی رایگەیاند، کاریگەری ئەو شەپۆلی بەفر و بارانبارینەی کە لە دوێنێ سێشەممەوە روویکردوەتە ناوچەکانی هەرێمی کوردستان درەنگانی ئەمشەو بەرەو لاوازبوون دەچێت و کۆتاییدێت، دواتر لە رۆژانی پێنجشەممە و هەینی کەشوهەوا بۆ ماوەی 48 کاتژمێر سەقامگیردەبێتەوە.
ئەوەشی خستەڕوو، درەنگانی ئەمشەو بەهۆی دابەزینی پلەی گەرمی و بەرزبوونەوەی رێژەی شێ، لە بەشێکی زۆری ناوچە شاخاوییەکانی دهۆک، سۆران، راپەڕین، ناوچەشاخاوییەکانی هەولێر، سلێمانی، هەڵەبجە، ئەگەری دروستبوونی دیاردەی تەمومژهەیە .
وتیشی، لە سەرەتای هەفتەی داهاتوو و لە رۆژانی 7 و 8 و 9ی شوباتی 2026، دووبارە شەپۆلێکی دیکەی بەفر و بارانی مامناوەند دەگەڕێتەوە سەرجەم ناوچەکانی هەرێمی کوردستان.
