وتەبێژی کۆمسیۆن، رایگەیاند، پاداشتی کارمەندانی رۆژی دەنگدان دابەشدەکرێت.
جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عێراق، بە تۆڕی میدیایی ئێستای راگەیاند، کۆمسیۆن دەستیکردووە بە رێکارەکانی دابەشکردنی پاداشتی دارایی کارمەندانی رۆژی دەنگدان.
دەشڵێت، کۆمسیۆن بە هەماهەنگی لەگەڵ وەزارەتی دارایی و بانکی رافیدەین، پارەی بۆ کارمەندان تەرخانکردووە.
وتیشی، دابەشکردنی ماستەرکارد لە هەولێر، دهۆک و کەرکوک دەستیپێکردووە و بەمزووانە لە پارێزگاکانی دیکەش دەستپێدەکات.
