وەزارەتی رۆشنبیریی پەخشی کەناڵە بیانی و عەرەبییەکانی قەدەغەکرد

وەزارەتی رۆشنبیری و لاوانی حکومەتی هەرێمی کوردستان داوا لە کۆمپانیاکانی پەخشكردن دەکات پەخشی کەناڵی بیانی و عەرەبییەکان لە رایەڵەکانیان رابگرن.

وەزارەتەکە لە نوسراوێکدا کە ئاراستەی کۆمپانیاکانی (United Mix Media, Live Dream, Family Box, OBOX و نجمة الإعلام) کردووە، داوا دەکات پەخشکردنی کەناڵە بیانی و عەرەبییەکان، بەتایبەت ئەو کەناڵانەی لەبارودۆخی ئێستای کوردستاندا بوونەتە هۆکاری پشێو و تێکدانی ئاشتەوایی کۆمەڵایەتی و بێڕێزیکردن بەرامبەر بە نەتەوەی کورد، رابگرن.

دەشڵێت، پەخشکردنی ئەو کەناڵانە پێچەوانەی یاساکانە و پێویستە تەنها پەخشی کەناڵە ناوخۆییەکان بکرێت.