وتەبێژی یەكەی 70ی هێزەكانی پێشمەرگە رایدەگەیەنێت، هەوڵەكان بۆ یەكخستنەوەی هێزەكانی پێشمەرگە بەردەوامە و ئاشكرایدەكات ئەو پێشمەرگانەی دەخرێنە سەر وەزارەتی پێشمەرگە چەند دەرماڵەیەكیان بۆ خەرجدەكرێت كە لە یەكەكانی 70 و 80 دا خەرجناكرێت.
لیوا ئەحمەد لەتیف وتەبێژی یەكەی 70ی هێزەكانی پێشمەرگە لە لێدوانێكدا بە تۆڕی میدیایی ئێستای راگەیاند، هەوڵەكان بۆ یەكخستنەوەی هێزەكانی پێشمەرگە و كۆكردنەوەیان لە ژێر چەتری وەزارەتی پێشمەرگە بەردەوامە و لە ماوەی رابردوودا چەند فیرقەیەك پێكهێندرابوون كە چوار لیوای یەكەكانی 70 و 80 یەكخراون و خراونەتە سەر میلاكی وەزارەتی پێشمەرگە.
ئاشكراشیكرد، ئەو پێشمەرگانەی كە دەخرێنە سەر وەزارەتی پێشمەرگە چەند دەرماڵەیەكیان بۆ خەرجدەكرێت كە لە یەكەكانی 70 و 80دا خەرجناكرێت و كاتێك هێزەكان یەكدەخرێنەوە ئەو دەرماڵەیان بۆ خەرجدەكرێت.
