بەڕێوەبەرایەتیی گشتیی پەروەردەی راپەڕین رایدەگەیەنێت، لەئەگەری نالەباری کەشوهەوا ناوەندەکانی خوێندن سەرپشکن لەوەی دەوام دەکەن یان پشوو رادەگەیەنن.
بەڕێوەبەرایەتیی گشتیی پەروەردەی راپەڕین بڵاویکردەوە، لەپێناو سەلامەتی گیانی مامۆستایان و خوێندکاران، بە راوێژ لەگەڵ سەرپەرشتیاری ئیدارەی سەربەخۆی راپەڕین، هەردوو پەروەردەی رانیە و پشدەر ئاگاداردەکەینەوە، کە سبەی یەکشەممە لە هەر ناوەند و شوێنێک، گرفتی شەختە، بەستەڵەک و ئاستەنگیی هاتوچۆ هەبوو، دەتوانن پاش راوێژکردن لەگەڵ قائیمقام و یەکە ئیداریەکانی ناوچەکەیان، پشوو رابگەیەنن.
ئەوەشی خستەڕوو، ناوەندەکانی خوێندن دەستکراوەن لە راگەیاندنی پشوو یاخود دەوامکردن.
