سەرۆکوەزیرانی عێراق بۆ مووچەی فەرمانبەرانی هەرێمی کوردستان بەڵێنیدا کە چیتر مووچە پەیوەست ناکرێت بە بابەتی سیاسییەوە.
دیلان غەفور، ئەندامی ئەنجومەنی نوێنەرانی عێراق ئاشکرایکرد، ئێستا پەیوەندییەکانی نێوان هەرێمی کوردستان و بەغداد باشن، لە سەرەتای دروستبوونی ئەم کابینە نوێیەی حکومەتی عێراق، ئێمە تێبینیی زۆرمان هەبوو، سەرجەمیان بەرزکرانەوە بۆ بەردەم عەلی زەیدی، سەرۆکوەزیرانی عێراق و بە گرنگییەوە تەماشایان کرا، دواتر دەنگیان لەسەر درا و جێگیرکران.
باسی لەوەشکرد، لەسەر ئاستی حکومەت، وەفدی باڵای حکومەتی هەرێمی کوردستان سەردانی بەغدادیان کرد، لەگەڵ عەلی زەیدی کۆبوونەوە و ناوبراو پێی ڕاگەیاندوون کە کێشەی مووچە نامێنێت و چیتر ئەو بابەتە پەیوەست ناکرێت بە هیچ بابەتێکی دیکەی سیاسییەوە.
