نووسەری کورد شێرزاد حەسەن لە سلێمانی توشی رووداوی هاتوچۆ بوو و گەیەندرایە نەخۆشخانە.
سامان شێخ لەتیف وتەبێژی تەندروستیی سلێمانی بە تۆڕی میدیایی ئێستای راگەیاند، نیوەڕۆی ئەمڕۆ نووسەری کورد شێرزاد حەسەن لەکاتی پیادەڕەوی لەگەڕەکی عەقاری ئۆتۆمبێلێک خۆی پێداکێشاوە و برینداربووە.
ئاماژەی بەوەشکرد، شێرزاد حەسەن بە ئەمبۆلانسی سەنتەری فریاکەوتنی سلێمانی گواستراوەتەوە بۆ نەخۆشخانە، لە ئێستادا چارەسەری بۆ دەکرێت و دۆخی تەندروستیی جێگیرە.
