کۆمسیۆنی باڵای سەربەخۆی هەڵبژاردنەکان رایگەیاند، نابێت بە هیچ جۆرێک کاندیدان پێش ئەو وادە یاساییەی کۆمسیۆن دیاریی کردووە، ژمارەکانیان ئاشکرابکەن و بڵاویبکەنەوە.
کۆمسیۆن لە راگەیەندراوێکدا جەختی لەوەکردەوە، ”راگەیاندنی ژمارەی کاندیدان و لایەنە سیاسییەکان بەو مانایە نایەت کە بانگەشەی هەڵبژاردن دەستیپێکردبێت”.
ئاماژەی بەوەشدا، تاوەکو دەستەی نوێنەرانی کۆمسیۆن کۆتا لیستی کاندیدان پەسەند نەکات و وادەی یاسایی بانگەشە دەستپێنەکات، نابێت ژمارەی لیستەکان بڵاوبکرێنەوە، بە پێچەوانەوە کۆمسیۆن رێکاری یاسایی دەگرێتەبەر.
