دەسەڵاتدارانی ئیسرائیل فەرمانیان بە سوپا کرد کە ئۆپراسیۆنە سەربازییەکانیان لە غەززە رابگرن.
بەپێی زانیاریی میدیاکانی ئیسرائیل، حکومەت راستەوخۆ فەرمانی بە سوپا کردووە کە دەستبەجێ ئۆپراسیۆنە سەربازییەکان لە غەززە رابگیرێت، ئەمەش پاش ئەوەدێت کە حەماس بەشێک لە پرۆژەکەی دۆناڵد ترەمپ، سەرۆکی ئەمریکای بۆ ئاشتی لە غەززە پەسەندکرد.
سەرچاوەیەک لە نووسینگەی بنیامین ناتانیاهۆ، سەرۆک وەزیرانی ئیسرائیل ئەوەی پشتراستکردەوە، کە ئیسرائیل ئامادەکاری دەکات بۆ جێبەجێکردنی قۆناغی یەکەمی پرۆسەی ئاشتی، ئەمەش پاش ئەوەی حەماس قایلبوو بەوەی کە سەرجەم بارمتە ئیسرائیلییەکان ئازاد بکرێن.
