لەماوەی تەنها ڕۆژێكدا لە باهۆزێكی ئاساییەوە لە زەریای هێمن گۆڕدرا بۆ گەورەترین باهۆزی ئەمساڵ و چاوەڕوان دەكرێت سبەی یەكشەممە بگاتە فلیپین، وەك ئەوەی ڕۆژنامەی واشنتن پۆست-ی ئەمریكی بڵاویكردووەتەوە.
پاش تێپەڕاندنی خێرایی 150 میل لە كاتژمێرێكدا، باهۆزەكە خرایە لیستی بەهێزترینەوە، كە یەكسانە بە باهۆزێكی بەهێز لە ئاستی چوار لە زەریای ئەتڵەسی، بەڵام خێرایی باهۆزەكە ئەو پلەیەشی تێپەڕاند و بەوەش چووە ئاستی پێنج لەڕووی هێزەوە.
هۆكاری زیادبوونی خێراییەكەی دەگەڕێتەوە بۆ بەرزبوونەوەی پلەی گەرمای ئاوەكان بە نزیكەی یەك تا 1.5 پلەی سەدی، ئەمەش بەهۆی گۆڕینی ئاووهەوا كە بووەتە هۆی بەرزبوونەوەی پلەی گەرمای زەریاكان لەسەر ئاستی جیهان.
لای خۆیەوە سەنتەری هۆشداری لە باهۆزە هاوبەشەكان لە پیرل هاربۆر، باهۆزەكە بە زۆر بەهێز ناوبرد، وێنەی مانگە دەستكردەكانیش هەمان بۆچوونیان پشتڕاستكردەوە.
لای خۆیانەوە شارەزایانی كەشناسی لە فلیپین كە باهۆزەكەیان ناوناوە (ڕۆڵی) ڕایانگەیاند، لە ئێوارەی ئەمڕۆوە دەبێتە هۆی بارانی بەخور، كە ئەمەش ئەگەری ڕودانی لافاو و داڕمانی زەوی.
چاوەڕوانیش دەكرێت گوڕی باهۆزەكە لەو وڵاتە ڕۆژی چوارشەممە ئاسایی ببێتەوە.
