رێکخراوی نەتەوەیەکگرتووەکان رۆژی لەدایکبوونی ماهاتما غاندی سەرکردەی بزووتنەوەی سەربەخۆیی هیندستان و داهێنەری فەلسەفە و ستراتیژی ناتوندوتیژی، وەک رۆژی ناتوندوتیژی لە جیهاندا ناساندووە.
بەپێی راگەیەندراوی رێکخراوی نەتەوەیەکگرتووەکان، ئەم رۆژە دەرفەت دەداتە جیهان کە پەیامەکانی ناتوندوتیژی بڵاوبکەنەوە و کلتوری ئاشتی، لێبوردەیی و لێکتێگەیشتن پەرەپێبدەن.
بڕیارە هەر ئەمڕۆ بەم بۆنەیەوە لەناو بارەگای گشتیی نەتەوەیەکگرتووەکان رێورەسمێک بەبۆنەی یادی لەدایکبوونی غاندی و رۆژی ناتوندوتیژی بەڕێوەبچێت.
